प्रदेश १ य् थप २७बम्ह कोरोना संक्रमण पुष्टि
लहनान्युज | तछलागा नवमी ११४०,जेठ ३२ आइतवाः
थौं आइतवाः मोरङय् जक थप २५म्ह कोरोना संक्रमण पुष्टि जूगु दु ।
अथेहे थौं हे झापा व सुनसरी न छम्ह छम्हेसित कोरोना संक्रमण खने दुगु दु ।
थ्व नाप प्रदेश १ य् कोरोना संक्रमितपि २७ म्ह थ्यःगु दु धका प्रदेश १ या सामाजिक विकास मन्त्रालयं धाःगु दु ।
रतुवामाई नगरपालिका– ८ सरस्वती माध्यमिक विद्यालयया क्वारेन्टाइनय् च्वपि ५३ मध्ये २५म्हेसित कोरोना पोजेटिभ खनेदुगु दु । अन संक्रमित जूपि मध्ये २२ म्ह भारत वःपि खः ।
उमिगु विराटनगर प्रदेश जनस्वास्थ्य प्रयोगशालाय् याःगु परीक्षणय् कोरोना पोजेटिभ खनेदुगु खः ।
थ्व नाप मोरङय् कोरोना संक्रमितपि ७१ म्ह थ्यःगु दु । थ्व नाप आतक प्रदेश १ य् कोरोना संक्रमित जूपि ३७१म्ह थ्यःगु दु ।
