प्रदेश २या नां व राजधानीया नितिं नेकपा व कांग्रेसया फरक प्रस्ताव दर्ता
प्रदेश २ या नां व राजधानीया नितिं नेपाल कम्यूनिष्ट पार्टी (नेकपा) व नेपाली कांग्रेसं फरक फरक प्रस्ताव दर्ता याःगु दु ।
 
नेकपां प्रदेशया नां जानकी व राजधानी धनुषालिसेंया प्रस्ताव दर्ता याःगु दु । प्रदेश २ संसदीय दलया नेता सत्यनारायण मण्डलया नेतृत्वय् नेकपां प्रदेशया नां व राजधानी प्रस्ताव दर्ता याःगु खः ।
 
प्रदेशया नां मिथिला तयेगु अडान कया वयाच्वंगु नेकपां संसदीय दलया मुँज्यापाखें जानकी नां प्रस्ताव दर्ता याःगु खः । अथे हे राजधानीया नितिं जनकपुरधामया परिक्रमा लँपुलिसें पूवंक धनुषा जिल्लायात हे प्रस्ताव याःगु खः ।
 
नेपाली कांग्रेसं धाःसा प्रदेशया नां मिथिला भोजपूरा व राजधानी जनकपुरधाम उपमहानगरपालिका तयेत प्रस्ताव दर्ता याःगु दु । कांग्रेसपाखें सचेतक उपेन्द्र कुशवाहां प्रस्ताव दर्ता यानादीगु खः ।
Categorized in राजनीति