नेपाल बार एशोसिएसनं प्रधानन्यायाधीश चोलेन्द्रशम्शेर जबरां थः कोरोना संक्रमित जुया न ज्या यायेमफुगु अवस्थाय् संविधान कथं जिम्मेवारी हस्तान्तरण मयाउगुलि आपत्ति प्वकूगु दु।

बार एशोसिएसनया महासचिव लीलामणि पौडेल छगु विज्ञप्ति जारी यासे प्रधानन्यायाधीश जबरां संविधान कथं वरिष्ठतम न्यायाधीशयात कायम मुकायम जिम्मेवारी बिइमाः धका धाउगु दु।

नेपालया संविधानया धारा १२९ (६) य् प्रधानन्यायाधीश ज्या यायेत असमर्थ दुगु वा अदालतय् उपस्थित जुइ मफुसा वरिष्ठतम न्यायायाधीशं कायम मुकायम जुया यायेगु उल्लेख दु।

तर प्रधानन्यायाधीश जबरा अदालत उपस्थित जुइ मफुगु आधिकारिक जानकारी सर्वोच्च अदालतय् मदया कायम मुकायमया जिम्मेवारी हस्तान्तरण जुइ मफुगु धका सर्वोच्च अदालत स्रोत धाउगु दु।

Categorized in राष्ट्रिय