२०८० चैत्र १६, शुक्रबार

प्रधानन्यायाधीश चालेन्द्र शम्सेर राणायात पद त्वःतेत प्यखेरं दबाब

कौलागा षष्ठी ११४१, कात्तिक ९ मंगलबाः

प्रधानन्यायाधीश चोलेन्द्र शमशेर राणायात पद त्वःतेत प्यखेरं दबाब लाःगु दु ।

सर्वोच्च अदालतदुने याकःचा जुयादीम्ह राणायात नेपाल बार एशोसियसननिसें पूर्व प्रधानन्यायाधीश व वरिष्ठ अधिवक्तापिन्सं न पद त्वःतेत दबाब ब्यूगु दु । सर्वोच्च अदालतय् आः दुपिं २०म्ह मध्ये १३म्ह न्यायाधीशत, प्रधानन्यायाधीश जबरां राजीनामा बीमाःगु पक्षय् दु ।

राणाया ज्यापहलं न्यायालयया निष्पक्षता व विश्वसनीयताय् न्ह्यसः ब्वलंगु धासें इमिसं प्रधानन्यायाधीस राणायात दबाब ब्यूगु खः । राणाया राजीनामा फ्वंपिं न्यायाधीशत मध्ये दीपक कार्की, मीरा खडका, हरिकृष्ण कार्की, विश्वम्भर श्रेष्ठ, आनन्दमोहन भट्टराई, प्रकाशमान सिंह राउत, बमकुमार श्रेष्ठ, टंकबहादुर मोक्तान, प्रकाशकुमार ढुंगाना, सुष्मालता माथेमा, हरि फुयाँल, कुमार रेग्मी, मनोजकुमार शर्मा व नहकुल सुवेदी दु ।

प्रधानन्यायाधीशं सःतूगु फुल कोर्टय् न मवनेगु अडान काःपिं इमिसं थौं प्रधानन्यायाधीश राणायात नापलानाः पद त्वःतेत औपचारिक रुपय् इनाप याइगु जूगु दु ।

पद त्वःतेत प्यखेरं दबाब लाःसां प्रधानन्यायाधीश राणां आःतक राजीनामा मबीगु अडान कयाच्वंगु दु ।

Categorized in राष्ट्रिय