प्रधानमन्त्रीं स्वनिगःया सांसद तयेत मुँज्या सतल
लहनान्युज | तछलाथ्व पुन्हि ११३९ (जुन १७ २०१९)
प्रधानमन्त्री केपी शर्मा ओलीं गुथि विधेयकयात कया सहलहया लागि सतःगु दु ।
छगु वाः युरोप भ्रमण लिपा थःगु देय् लिहा वये धुका विधेयकय् छु कमजोरी दु भिंके फइ धइगु प्रतिकृया बिउम्ह प्रधानमन्त्री ओलीं थथे सांसद लिसे छलफल याःगु खः।
थौं सोमवा सुथय् हे भूमि व्यवस्थामन्त्री पद्मा अर्यालं प्रधानमन्त्रीयात उगु गुथि विधेयकया बारे ब्रिफिङ याःगु खः ।
प्रधानमन्त्री ओलीं थौं न्हिनय् ३ बजे स्वनिगःया जनप्रतिनिधिपिन्त मुँज्या सतुगु खः ।
थुगु बिधेयक सत्तारुढ नेकपाया हे स्वनिगःया सांसदपिन्स हरु विधेयक कायेमा धका धया वया च्वंगु खः ।
