२०८० चैत्र १५, बिहिबार

प्रधानमन्त्रीपाखें भिडियो सम्बोधनपाखें थःगु उसाँयया जानकारी

लहना न्यूज | ने.सं. ११४० थिंलाथ्व षष्ठि (२ डिसेम्बर २०१९), सोमवाः

मनमोहन कार्डियोथोरासिक भास्कुलर तथा ट्रान्सप्लान्ट सेन्टरय् वासः याकाच्वनादीम्ह प्रधानमन्त्री केपी शर्मा ओलीं भिडियो सम्बोधनपाखें थःगु उसाँयया बारे जानकारी बियादिल ।
 
प्रधानमन्त्री ओलीं थः दनाः न्ववायेगु, पासापिंलिसे खँल्हाबल्हा यायेफूगु अवस्थाय् दुगु धयादिल । वय्कःया वंगु मंगलवाः एपेण्डिसाइटिसया अप्रेसन याःगु खः ।
 
सेन्टरया संघन उपचार कक्ष (आइसियु)य् च्वंच्वनादीम्ह ओलीं थौं सोमवाः भिडियो सन्देश जारी यानादिसें धयादीगु दु, “जिगु उसाँय् बांलाना वयाच्वंगु दु । छगू मेजर अप्रेसनलिपा छिमिसं खनाच्वनादीगु दु कि मेजर अप्रेसनलिपा नं जि दनाः न्ववायेफूगु, पासापिंलिसे खँल्हायेफूगु अवस्थाय् दु व बुखँत स्वयेफूगु अवस्थाय् दु ।”
 
थ्व हे झ्वलय् प्रधानमन्त्री ओलीं म्हिगः आइतवाःया झिंस्वक्वःगु दक्षिण एशियाली खेलकूद (साग)या उलेज्या समारोह नं पूवंक हे स्वयागु धयादिल । वय्कलं धयादीगु दु, “मैत्रीपूर्ण कासापाखें देसया इज्जत थकायेत व क्षेत्रीय मित्रता न्ह्यःने यंकेत जि नेपाःया कासामि व सार्क क्षेत्रया कासामि, फुक्कसित इनाप यानाच्वना ।”
Categorized in राष्ट्रिय