प्रधानमन्त्री ओलीं उपनिर्वाचनया तयारीप्रति सन्तुष्टि
लहनान्युज | कौलागा सप्तमी ११३९ (अक्टुवर २० २०१९)
प्रधानमन्त्री केपी शर्मा ओलीं निर्वाचन आयोगं वइगु मंसिर १४ गते जुइगु उपनिर्वाचनया तयारीप्रति सन्तुष्टि तायेकुगु दु ।
उपनिर्वाचनयात स्वच्छ, स्वतन्त्र व निष्पक्ष रूपं क्वचोकेगु लागि आयोगपाखे जुयाच्वंगु ज्याया सन्तोषजनक दु धका आयोगया सहसचिव नाप प्रवक्ता राजकुमार श्रेष्ठं जानकारी बियादिगु दु ।
प्रधानमन्त्री ओलीं प्रतिनिधि सभा सदस्य, प्रदेश सभा सदस्य व स्थानीय तह उपनिर्वाचन व्यवस्थापनया तयारीया विषयय् आयोगं याना च्वंगु तयारीया बारय् आयोगया प्रमुख निर्वाचन
आयुक्त दिनेशकुमार थपलियाया पुचःयाक न्यनेकने याउगु खः ।
आयोगया प्रमुख निर्वाचन आयुक्त थपलियां उपनिर्वाचन सम्बन्धी समग्र व्यवस्थापन, मतदाता नामावली, मतदाता परिचयपत्र, सुरक्षा व्यवस्थापन, निर्वाचन चिं, मतदान केन्द्र, मुख्य निर्वाचन अधिकृतर निर्वाचन अधिकृतया नियुक्ति, निर्वाचन अधिकृतया ज्याकु स्थापना व सञ्चालन, संविधानया धारा, २७१ बमोजिम दल दर्ता, उपनिर्वाचनया लागि आवश्यक ऐन, नियम, कार्यविधि, निर्देशिका लगायत दक्को तयारी बारेय् प्रधानमन्त्री ओलीयात जानकारी बिउगु धका प्रवक्ता श्रेष्ठं धयादिगु खः ।
