प्रधानमन्त्री केपी शर्मा ओलीं मन्त्रिपरिषदया आकस्मिक बैठक सःतूगु दु।

थौं सुथयु ९ः४५ बजे बैठक सःतूगु खः। वःगु बैठकय् मन्त्रीपिन्त तक मसिक प्रधानमन्त्री ओलीं संवैधानिक परिषद सम्बन्धी अध्यादेश जारी यायेत राष्ट्रपति समक्ष सिफारिस याःगु खः।

राष्ट्रपति विद्यादेवी भण्डारी न तत्कालै अध्यादेश जारी यासे नेपाल राजपत्रय् प्रकाशित याःगु खः। तर बुधवाः च्वंगु नेकपाया स्थायी कमिटी बैठकं संवैधानिक परिषदसम्बन्धी अध्यादेश लित काये माःगु व संसदया विशेष अधिवेशनया आह्वानका लागि समावेदन बिइत शीतल निवास थ्यपि ८३ म्ह सांसदपिनिगु हस्ताक्षर लित हयेगु न निर्णय याःगु खः।

पार्टीया निर्णय कथं कार्यकारी अध्यक्ष पुष्पकमल दाहाल ‘प्रचण्ड’ व वरिष्ठ नेता माधवकुमार नेपाल समूह नं समावेदन मबिउगु खः। तर नेकपा अध्यक्ष तक जुयादीम्ह प्रधानमन्त्री ओलीं आःतक न अध्यादेश लित काःगु मदुनि। 

Categorized in राजनीति