नेकपा अध्यक्ष नाप प्रधानमन्त्री केपी शर्मा ओलीं ११९९ सदस्यीय महाधिवेशन आयोजक कमिटी घोषणा याःगु दु ।

थौं मंगलवाः बालुवाटार जुगु केन्द्रीय कमिटीया बैठक आःतक कायम जूपि ४४६ म्ह सदस्यीय केन्द्रीय कमिटीयात ५५६ म्ह थपेयासे महाधिवेशन आयोजक कमिटी घोषणा याःगु दु।

कमिटीइ बाँकी १९७ म्ह लिपा थपे याये कथं जुइ धका छम्ह नेता धाःगु दु। उगु बैठकय् पूर्वमाओवादी निकट नेकपा स्थायी कमिटी सदस्य टोपबहादुर रायमाझी व मणि थापा न सहभागी जूगु दु। रायमाझी व थापा सोमवाः तक गन खुले जुया मवपि खः।

तर, थौं बालुवाटारया भेलाय् उपस्थित जूगु दु । बैठकय् स्वागत मन्तव्य बिउसे रायमाझीं कार्यकारी अध्यक्ष पुष्पकमल दाहालया कारण थः न्हापानिसे याःगु ताः हाकःगु सहयात्रा तोडे यायेत बाध्य जूगु धका धाःगु खः।

थौंया भेलाय् नेकपा उपाध्यक्ष वामदेव गौतम व सचिवालय सदस्य रामबहादुर थापा धाःसा सहभागी जूगु मदुनि।

Categorized in अन्तर्राष्ट्रिय