प्रधानमन्त्री पुष्पकमल दाहाल प्रचण्डयात मेगु स्वंगु मन्त्रालयया जिम्मेवारी वःगु दु। राष्ट्रिय प्रजातन्त्र पार्टी पाखे सरकारय् दुथ्यापि मन्त्रीपिन्स राजीनामा बिइवं खाली जूगु मन्त्रालयया कार्यभार प्रधानमन्त्री प्रचण्डं कःघाःगु दु।

राष्ट्रपति विद्यादेवी भण्डारीं प्रधानमन्त्रीया सिफारिसय् थौं थीथी स्वंगु मन्त्रालयया कार्यभार प्रधानमन्त्रीं हे कःघायेगु कथं तोके याःगु दु धका राष्ट्रपति कार्यालयं पिकाःगु विज्ञप्तिइ उल्लेख याःगु दु।

राप्रपापाखे सरकारय् सहभागी जूपि मन्त्रीपिन्स म्हिगः शनिवाः प्रधानमन्त्री दाहालयात राजीनामा लःल्हाःगु खः। राजीनामा बिउपि मन्त्रीपि उपप्रधान नाप ऊर्जा, जलस्रोत नाप सिँचाइ मन्त्री राजेन्द्र लिङ्देन, सहरी विकास मन्त्री विक्रम पाण्डे, कानुन न्याय नाप संसदीय मामिला मन्त्री ध्रुवबहादुर प्रधानपि खः।

Categorized in राष्ट्रिय