प्रम ओली स्वास्थ्य परीक्षण झ्वलय् अस्पताल भर्ना
लहनान्युज | सिल्लागा औंशी ११३९ (मार्च ६ २०१९)
प्रधानमन्त्री केपी शर्मा ओली नियमित स्वास्थ्य परीक्षण यायेगु झ्वलय् थौं त्रिवि शिक्षण अस्पताल वःगु इलय् अस्पतालय् भर्ना जुयादीगु दु ।
मुटु परीक्षणया लागि थौं बुधवाः सुथय् १० ताः इलय् महाराजगञ्जया मनमोहन कार्डियोथोरासिक भास्कुलर तथा ट्रान्सप्लान्ट सेन्टरय् वःगु इलय् प्रधानमन्त्री ओली भर्ना जुगु वयकःया सचिवालय पाखे धाःगु खः ।
सेन्टरया कार्यकारी निर्देशक प्रा. डा. उत्तमकृष्ण श्रेष्ठं प्रधानमन्त्रीयात अब्जरभेसनय् तया थप परीक्षण यायेगु उपयुक्त खःगुलिं अब्जरभेसन तइगु न्हिनय् १ः१५ ताः इलय् विज्ञप्ति पाखे जानकारी बिगु खः ।
प्रधानमन्त्रीया स्वास्थ्य परीक्षण प्रा. डा. अरुण सायमीया संयोजकत्वय् जुया च्वंगु दु । प्रधानमन्त्रीया स्वास्थ्य अवस्था सामान्य दुगु न अस्पताल जानकारी बिगु दु ।
