प्रधानमन्त्री शेरबहादुर देउवा व राष्ट्रिय टिमया पूर्व कप्तान पारस खड्का दथुइ थौं शनिबाः भेटवार्ता जुगु दु।

खड्कां वंगु १९ साउनय् अन्तर्राष्ट्रिय क्रिकेटपाखे सन्यास कायेगु घोषणा यागुलि प्रधानमन्त्री देउवां टेलिफोन सम्वाद याना नापलायेगु प्रस्ताव यागु खः। उगु कथं थौं शनिबाः भेटवार्ता जुगु धका पूर्व कप्तान खड्कां जानकारी बिगु खः। बालुवाटारय् जुगु उगु भेटय् देउवां फोन सम्वादया न्ह्यसः हाकन न्यना, ‘क्रिकेट छाय् त्वतादीयागु? अथे खड्कां धासा थ्व जिगु व्यक्तिगत निर्णय खः धका धागु खः।

थम्हेसिया राष्ट्रिय टिमपाखे देशया लागि गुलिफु उलि याये धुकागु दु धासे सन्यास काउेगु निर्णय यानागु खः धका धागु खः। पूर्व कप्तान पारसनाप जुगु भेटवार्ताया किपाः ट्वीट यासे प्रधानमन्त्री देउवां नेपाली क्रिकेटं कागु सफलताया लागि पारसयात सुभाय् बिगु खः।

Categorized in कासा