प्रसुति गृहया च्याम्ह स्वास्थ्यकःमि कोरोना संक्रमण
लहनान्युज | ञंलाथ्व ५ ११४०,भाद्र ७ आइतवाः
थापाथलीया प्रसुती गृहय् ज्यायाइपि स्वम्ह आवासीय चिकित्सक नाप च्याम्हेसित कोरोना भाइरसया संक्रमण खने दुगु दु ।
संक्रमित जूपि नर्स, फार्मेसीइ ज्या याइपि, प्राविधिक व सुरक्षा गार्ड नाप अस्पतालय् च्वंगु बैंकया कर्मचारीपि खः ।
अस्पतालया बिरामीपिन्त धाःसा संक्रमण खने दुगु मदुनि ।
संक्रमित मध्ये निम्ह अस्पतालया आइसोलेसनय् च्वना च्वंगु दु सा बाँकी होम आइसोलेसनय् च्वना च्वंगु दु धका अस्पतालया मेडिकल सुपरिटेण्डेन्टं जानकारी बिःगु दु ।
Categorized in राष्ट्रिय
