प्रहरीं चितवनया रत्ननगरं सच्छि व ८४गू किलो लागु वासः चरेश बरामद याःगु दु ।

इलाका प्रहरी ज्याकु टाँडीया कथं रत्ननगर ३ शान्तिचोक लिक्कसंया किराना पसःया गोदामय् सुचुकातःगु उगु परिमाणया चरेश बरामद याःगु खः । च्यवनप्रासया सच्छि व ९२गः बट्टाय् ३२गू कार्टुनय् प्याक यानातःगु अवस्थाय् प्रहरीं चरेश लुइकुगु खः ।

रत्ननगर १५ माधवपुरया उद्धब अधिकारीं विष्णु पन्तया छेँ बालं कया संचालन याःगु गोदामय् चरेश लूगु खः । गोदामय् चरेश दूगु जानकारी अधिकारीं हे प्रहरीयात बिउगु न्ह्यथंगु दु ।

चरेश सुचुकातःगु अभियोग् प्रहरीं ३म्हसित नियन्त्रणय् काःगु टाडी प्रहरीं जानकारी बिउगु दु ।

Categorized in अपराध