प्रहरीं त्रिभुवन विमानस्थलं छगू किलो लुँ बरामद यात
दिल्लागा पंचमी ११४१,साउन १३ बुधवाः
प्रहरीं त्रिभुवन विमानस्थलं छगू किलो सच्छि व ६५गू ग्राम लुँ बरामद याःगु दु ।
म्हिगः सुथय् १०ता त्या इलय् दुबईं येँय् वःगु हिमालय एयरलाइन्सया उडानं कफीया बट्टा थें दय्का अवैध रुपय् लुँ हःगु भन्सार ज्याकुथिं न्ह्यथंगु दु ।
भन्सार ज्याकु व विमानस्थल प्रहरीया मंका कुतःलय् उगु लुँ बरामद जूगु त्रिभुवन अन्तर्राष्ट्रिय विमानस्थलया सुरक्षा प्रमुख प्रहरी वरिष्ठ उपरीक्षक राजेशनाथ बास्तोलां धयादील ।
लुँ लिसें गोरखाया पदम परियारयात ज्वनागु प्रहरीं न्ह्यथंगु दु । ज्वंम्ह परियारयात प्रहरीं थप अनुसन्धान न्ह्यागु न्ह्यथंगु दु ।
Categorized in अपराध
