इंग्लिस प्रिमियर लिग अन्तर्गत म्हिगः चान्हय् जूगु कासाय् चेल्सी व लिभरपुलं २गू–२गू गोलया ज्वलिन्ज्वः कासा म्हितुगु दु ।

कासाय् लिभरपुलया नितिं साडियो माने व मोहम्मद सलाहं छगू छगू गोल याःगु खःसा चेल्सीया नितिं माटेओ कोभाकिक व क्रिस्टियन पुलिसिकं १गू÷१गू गोल याःगु दु ।

कासाया २६गूगु मिनेट दुने २गू–०या गोल अन्तरं लिउने लाःगु अवस्था अःखः यासें  चेल्सीं कासायात ज्वलिन्ज्वःलय् हःगु खः । म्हिगःया कासा ज्वलिन्ज्वःलय् क्वचायेधुंका उपाधि धेंधेंबल्लाय् दूगु चेल्सी व लिभरपुलं ज्वलिन्ज्वः ल्याः इनाकाःगु दु  ।

थ्वलिसें लिगया निगूगु थासय् दूगु चेल्सीं २१गू कासां ४३ गू ल्याः मुंकुगु दुसा ३गूगु थासय् दूगु  लिभरपुलं छगू कासा म्हो म्हिता ४२गू ल्याः मुंकुगु दु । शीर्ष थासय् दूगु म्यानचेस्टर सिटीया २१गू कासां ५३गू ल्याः दु ।

Categorized in कासा