प्रिमियर लिगय् लिभरपुल उपाधि न्ह्यने
लहनान्युज | दिल्लाथ्व चतुर्थी ११४०,असार ११बिहीवाः
इंग्लिस प्रिमियर लिगय् लिभरपुल क्रिस्टल प्यालेसयात ४ –० गोलया अन्तरं बूका उपाधि न्ह्यने थ्यःगु दु ।
बुधवाः चान्ह्य जूगु कासाय् घरेलु मैदान एनफिल्डय् लिभरपुलयात सुरुनिसे प्यालेसयात दबाब बिःगु खः ।
उगु कासाय् २३ क्वःगु मिनेटय् गोलयाना अग्रता काःगु खः । ट्रेन्ट एलेक्जेन्डर आर्नोल्डं फ्रिकिकय् उत्कृष्ट गोल यासे लिभरपुलयात अग्रता बिःगु खः ।
न्हापागु हाफया लिपागु मिनेटय् लिभरपुलया अग्रता दोब्बर जूगु खः । मिडफिल्डर फाबिन्हों पासमा मोहमद सलाहं गोल याःगु खः । थुगु सिजनय् सलाहया घरेलु मैदानय् १५गूं गोल खः ।
थुथु कासालिपा लिभरपुल उपाधि न्ह्यने थ्यःगु दु । लिभरपुलं आः मेगु कासा म्यानचेस्टर सिटीनाप म्हितिइ ।
उगु कासाय् सिटीं चेल्सीया सामना याइ । सिटीं उगु कासा बूकल धाःसा लिभरपुल च्याम्पियन जुइ ।
लिभरपुलं ३१गू कासाय् ८६ ल्याः दु ।
