इंग्लीश प्रिमियर लिग फुटबलय् वंगु चान्हय् शीर्ष थाय्या म्यान्चेस्टर सिटीं ब्रेन्टफोर्डयात १गू–०या गोल अन्तरं बुकुगु दु ।

कासाय् सिटीयात त्याकेत फिल फोडेनं १६गूगु मिनेटय् याःगु गोल निर्णायक जुल । कासा त्यागृु लिसें म्यान्चेस्टर सिटीं ल्याः धलःखय् निगूगु थाय्या चेल्सीलिसे ८ गू ल्याःया अग्रता दयेकुगु दु ।

२० गू कासां सिटीया  ५०गू ल्याः जूगु दु । उतिग्यंक कासापाखें ४२ गू ल्याः मुंकुगु चेल्सी निगूगु थासय् दु । वंगु चान्हय्सिया कासाय् चेल्सीयात ब्राइटनं  १गू–१गू गोलया ज्वलिन्ज्वःलय् पन ।

कासाय् चेल्सीया रोमेलु लुकाकुं न्हापांगु गोल याःसा नं ब्राइटनय ड्यानी वेलबेकं इन्जुरी इलय् ज्वलिन्ज्वः गोल याःगु खः । थुगु ज्वलिन्ज्वः लिसें चेल्सी धाःसा प्रिमियर लिगया उपाधि धेंधेंबल्लाय् कमजोर जूगु दु ।

Categorized in कासा