इंग्लीश प्रिमियर लिग फुटबलय् वंगु चान्हय् लेष्टर सिटी व क्रिष्टल प्यालेस त्यागु दु ।

घरेलु मैदानय् जूगु कासाय् लेष्टर सिटीं न्युकासल युनाइटेडयात ४गू–०या गोल अन्तरं बुकुगु दु । लेष्टर त्यागुलिइ युरी टिलेमन्सं निगू गोल याःबलय् जेम्स म्याडिसन व प्याट्सन डाकां छगू छगू गोल याःगु खः ।

प्रिमियर लिगया हे मेगु कासाय् क्रिष्टल प्यालेसं एभर्टनयात ३गू–१गूया गोल अन्तरं बुकुगु दु । प्यालेसया नितिं कोनोर ग्यालाघारं निगू गोल याःबलय् जेम्स टम्कीन्सं छगू गोल थप याःगु खः ।

बूगु टोली एभर्टनया सालोमन रन्डनं छगू गोल याःगु खः । वंगु चान्हय् जूगु मेगु कासाय् वेष्ट ह्याम युनाइटेड धाःसा बर्न्लेलिसे गोल मजुसें ज्वलिन्ज्वःलय् दिउगु दु ।

८ म्ह कासामिइ कोरोना संक्रमण खनेदूगु टोटनह्याम हट्सपर व ब्राइटन दथुया कासा धाःसा पोष्टपोन जूगु दु ।

Categorized in कासा