प्लाज्मा थेरापी बिधिं वास यानाच्वम्ह कोरोना संक्रमित मन्त
लहनान्युज | ञंलाथ्व ९ ११४०,भाद्र ११ बिहीवाः
बुटवलय् प्लाज्मा थेरापी याम्ह मिसाम्ह छम्ह कोरोना संक्रमित सीगु दु ।
रुपन्देहीया तिलोत्तमा नगरपालिका–२ जानकीनगरया ७० दँ दुम्ह मिसा थौं बिहीवाः १०ः३० बजे मदुगु दु धका अस्पतालया कोरोना फोकल पर्सनं पुष्टि याःगु दु ।
वयात लुम्बिनी प्रादेशिक अस्पतालय् हे कोरोना संक्रमण मुक्त डा.साजन श्रेष्ठं बिःगु हिं बिया प्लाज्मा थेरापीपाखे वासः याःगु खः । साउन २६ गते कोरोना पोजेटिभ खने दुगुलि साउन ३१ गते कोरोना अस्पतालय् भर्ना जूगु खः ।
उच्च रक्तचापया समस्या दुम्ह उम्ह मिसा स्वास्थ्य अवस्था तच्वये वः प्यन्हु निसे भेन्टिलेटरय् तया वासः याका वया च्वम्ह खः ।
Categorized in राष्ट्रिय
