फरक अभिव्यक्तिया १५क्वःगु चिबाखं मुँज्या
लहनान्युज | सिल्लागा अष्टमी ११४०
‘सः छगू फरक अभिव्यक्ति’या ग्वसालय् १५क्वःगु चिबाखं मुँज्या यलय् जुल ।
ज्याझ्वलय् नःलि बज्राचार्य, काशीराम विरस, रामगोपाल आशुतोष स्वम्हेसिनं म्हतिं न्यापु न्यापु यानाः मुक्कं १५पु बाखं ब्वनाः न्यंकादीगु खः ।
ज्याझ्वलय ब्वति काःपिं मध्ये छम्हसित गोलाप्रथां ल्यःम्ह रुणित बज्राचार्य व स्वम्ह च्वमिपिन्त मतिनाया चिं सुधीर ख्वविं लःल्हानादिल ।
अथे हे मोक्षबहादुर अमात्यं स्वम्हं च्वमिपिन्त खादां क्वखाय्काः दां नं लःल्हानादीगु खः ।
ज्याझ्वलय् ब्वनादीगु बाखंयात कयाः साहित्यकार डा. पु्ष्पराज राजकर्णिकारं कुलादीगु खः ।
ज्याझ्वः समाश्रीं न्ह्याकादीगु खः ।
