फरार अभियुक्त व लागू वासः कारोबारीपिन्त प्रहरीं ज्वन
गुंलागा षष्ठी ११४१, भाद्र १२ सनिवाः
जिल्ला प्रहरी ज्याकू पर्वतं थीथी मुद्दाय् दोषी करार जुया बिस्यूंवना च्वंपिंभई प्यम्हसित ज्वंगु दु । उपिं प्यम्हेसित म्हिगः सनिलय् ज्वना जिल्ला अदालतय् पेश याःगु दु ।
उमित ल्यंदनिगु कैद–सजाय बिइत कारागार चलान याःगु प्रहरीं न्ह्यथंगु दु । ज्वंपिलय् पैयूँ गाँपालिका भोर्लेया नविन धैम्ह होम बहादुर थापा, कुश्माया अनमोल कुमाल व परशुराम दर्जी, अथेहे मोदी गाँपालिकाया बिष्णु बहादुर पुन जूगु प्रहरीं धाःगु दु ।
थुखे लागु वासः नाइट्रा भेनलिसें बर्दिया प्रहरीं निम्हेसित ज्वंगु दु । ५३गू ट्याब्लेट लागु औषध नाइट्राभेनलिसें गेरुवा गाँपालिकाया राजेश थारु व उगु हे पालिकाया अमित बिकयात नं प्रहरी ज्वंगु दु ।
प्रहरी चौकी महम्मदपुर बर्दियापाखें वंगु प्रहरी टोलीं गुलरिया लालपुर गाँया सतकय् खानतलासी याय्गु झ्वलय् उपिंपाखें लागु वासः लूगु जिल्ला प्रहरी ज्याकू बर्दियाया सूचं अधिकारी प्रहरी नायब उपरीक्षक हेमबहादुर शाहीं जानकारी बियादिल ।
