२०७९ आषाढ १४, मंगलबार

फिफा अरब कप फुटबल च्याम्पियनसीप कतारय् न्ह्यात

कछलागा द्धादशी ११४२, मंसीर १५ बुधवाः

फिफा अरब कप फुटबल च्याम्पियनसीप कतारय् न्ह्याःगु दु ।

वइगु दँ कतारय् विश्वकप फुटबल न्ह्याइगु दछि न्ह्यः अथेधइगु म्हिगःनिसें अरब कप फुटबल सुरु जूगु खः । अरब कपया उलेज्या कासाय् ट्युनिसियां मौरितानियायात ५–१ गोल अन्तरं बुकूगु दु ।

न्हापांगु दिंया मेमेगु कासाय् ग्वसाःखलः कतारं बहराइनयात १–० गोलं बुकूबलय् युएईं सिरियायात २–१ गोल अन्तरं बुकूगु दु । अथेहे इराकं ओमाननाप १–१ गोलया ज्वजिंज्वः कासा म्हितूगु दु ।

विश्वकप २०२२ या नितिं तयार यानातःगु रंगशालाय् फिफा अरब कप फुटबल यायेत्यंगु खः । च्याम्पियनसीपय् एसिया व अफ्रिकाया १६गू उत्कृष्ट अरब टिमतय्गु ब्वति दइगु धागु दु ।

प्यंगू पुचलय् ब्वःथःगु पुचःतय्त लिगकम नकआउटया लिधंसाय् म्हितकीगु जूगु दु । च्याम्पियनसीपया पुचः ‘ए’ लय् कतार, इराक, ओमान व बहराइन दु ।

पुचः ‘बि’लय् ट्युनिसिया, युएई, सिरिया व मौरितानिया, पुचः ‘सि’ लय् मोरक्को, साउदी अरबयिा, जोर्डन व प्यालेस्टाइन अले पुचः ‘डी’ लय् अल्जेरिया, इजिप्ट, लेबनान व सुडान दु ।

च्याम्पियनसीपया फाइनल कासा कतारया राष्ट्रिय दिवसया लसताय् डिसेम्बर १८ तारिखय् जुइ ।

Categorized in कासा