फिफा विश्वकप व एसियन कप फुटबल छनोट अन्तर्गत नेपालं थौं जोर्डननाप म्हितीगु
लहनान्यूज | बछलागा एकादशी ११४१, जेष्ठ २४ सोमबाः
फिफा विश्वकप सन् २०२२ व एसियन कप सन् २०२३ अन्तर्गत निगूगु चरणया छनोट कासाय् नेपालं थौं जोर्डननाप म्हितेत्यंगु दु ।
कासा चान्हय् जःछिपाः १०ताः ईलय् कुवेतया कुवेत सिटीच्वंगु जाबेर अल अहमद अन्तर्राष्ट्रिय स्टेडियमय् जुइ । थ्वसिवे न्ह्यः नेपालं चाइनिज ताइपेईयात २–० गोल अन्तरं बुकूगु खः ।
थौं न उच्च मनोबलनाप मैदानय् कुहाँवयेगु तयारी जुयाच्वंगु नेपाली राष्ट्रिय फुटबल टिमया मुख्य प्रशिक्षक अब्दुल्लाह अलमुताईरीं धयादिल । चाइनिज ताइपेईयात बुके न्ह्यः इराकनापया मैत्रीपूर्ण कासाय् नेपाः ६–२ गोल अन्तरं बूगू खः ।
जोर्डन न थां नेपाःयात बुकाः विश्वकप छनोटय् प्रवेश यायेगु कुतः यानाच्वंगु दु । नेपालं वइगु शुक्रवाः अष्ट्रेलियानाप म्हिती । छनोटया पुचः ‘बी’ लय् दुगु नेपालं ६गू कासापाखें ६गू हे ल्या दयेकूगु दु ।
नेपाः धलःया प्यंगूगु थासय् दु । जोर्डन ५गू कासापाखें १०गू ल्या दयेकाः स्वंगूगु थासय् दु ।
Categorized in कासा
