फेसन एण्ड मोडल अवार्ड २०१९
नृपेन्द्रलाल श्रेष्ठ | गुंलाथ्व द्धादशी ११३९ (अगष्ट १२ २०१९)
येँया राष्ट्रिय सभागृहस जूगु ‘फेशन एण्ड मोडल अवार्ड–२०१९’य् थीथी ५४गू विधाय् सिरपाः लःल्हासें तःजिक क्वचाल ।
पेजेन्ट नेपाल इन्टरनेशनलं ग्वसाः ग्वःगु उगु ज्याझ्वलय् फेशन कोरियोग्राफर विधापाखें निगू दशक न्ह्यःनिसे कोरियोग्राफर यानादीपिं रोजिन शाक्य व जयन सुब्बा मानन्धरयात लिजेण्ड्री कोरियोग्राफरया उपाधि लःल्हाःगु खः ।
थुगु हे विधाय् अनिश महर्जनव हिमानी सुब्बां उत्कृष्ट कोरियोग्राफरया अवार्ड त्याकल । अथे हे, कोरियोग्राफर रोजिन शाक्यं ‘उत्कृष्ट पेजेण्ट एमसी अवार्ड’ नं त्याकादीगु खः ।
ज्याझ्वलय् मिस नेपाल २०१८ श्रृंखला खतिवडायात ‘पपुलर पेजेण्ट टाइटल विनरया अवार्ड’, मिस नेपाल २००० उषा खड्गीयात ‘एभरग्रीन एण्ड पपुलर मिस नेपाल अवार्ड’, अभिनेत्री करिश्मा मानन्धरयात ‘अल टाइम फेशन डिभाया अवार्ड’ अथे हे, मिस नेपालया ग्वसाः खलः हिडन ट्रेजरया गोपाल सुन्दर कक्षपतियात ‘उत्कृष्ट मिस पेजेण्ट अर्गनाइजर अवार्ड’ लःल्हाःगु खः ।
वेष्ट फेसन जर्नालिष्टया अवार्ड कृष्ण भट्टराईं त्याकादीगु उगु ज्याझ्वलय् वेष्ट किड्स, टिन मोडल, मेकअप आर्टिष्ट, हेयर स्टाइलिष्टलिसें थीथी विधाय् नं अवार्ड लःल्हाःगु खः ।
