फेसबुकय् न्हू फिचर वइगु
बछलाथ्व, नवमी ११४१, असार ५ शनिबाः
सामाजिक सञ्जाल फेसबुकं न्हूगु सुविधा थप यायेगु तयारी याःगु दु ।
फेसबुकया अधिकारीतये कथं अडियो सामग्री थाइगु सुविधा थप यायेगु तयारी जुयाच्वंगु धाःगु दु । थुगु सेवा वइगु जुन २२ निसें न्ह्याइगु न्ह्यथंगु दु ।
थुकिया नितिं वंगु अप्रिलय् हे न्हूगु सुविधाया खँय् परिक्षण याःगु खः । परीक्षणपाखें लिच्वः सकारात्मक वयेधुंका आः उकिया तयारी जुयाच्वंगु फेसबुकं न्ह्यथंगु दु । पोडकास्ट सेवा स्वायेधुंका फेसबुक एपय् हे तप्यंक अडियो ज्वलंत न्यने दइगु जूगु फेसबुक कम्पनीं न्ह्यथंगु दु । अडियो सेवाया खँय् इमेलपाखें जानकारी बिइगु व स्वाये फइगु व्यवस्था यायेत्यंगु नं अधिकारीतयेसं धाःगु दु ।
फेसबुकया न्यूजफिडय् हे अडियो पोस्ट याये छिनिगु व उगु हे थायेका न्यने फइगु व्यवस्था जुइत्यंगु दु । छुं नं फेसबुक पेजय् अडियो पोस्ट यायेधुंका उगु फेसबुकया पेजय् फलो याइपिन्त नोटिफिकेसन नं वनिगु जूगु दु ।
Categorized in अन्तर्राष्ट्रिय
