फ्रान्सं क्रोएसियायात ४–२ गोलं त्याकल
यूईएफए नेसन्स लिग फुटबल अन्तर्गत समूह चरणय् निगुगु कासा फ्रान्सं त्याकुगु दु । थौं चान्ह्य जुगु कासाय् फ्रान्सं क्रोएसियायात ४–२ गोलं त्याकुगु खः । 
 
घरेलु मैदानय् जुगु उगु कासाय् फ्रान्सया लागि एन्टोनी ग्रिजम्यान, डेयोटले व ओलिभर जिरुडं छगु छगु गोल याःगु खः । अथेहे छगु गोल फ्रान्सया आत्मघाती उपहार वःगु खः । क्रोएसियाया लागि डजान लोरेन व जोतिसप ब्रेकालों छगु छगु गोल याःगु खः । 
 
कासाया १६ गु मिनेटय् डेजानं गोल यासे क्रोएसिया न्हयने वःगु खः वया लिपा ४३ गु मिनेटय् फ्रान्सया लागि एन्टोनी ग्रिजम्यानं बराबरी गोल याःगु खः ।
 
न्हापागु हाफया इन्ज्युरी इलय् डोमिनिक लिभाकोसिभं आत्मघाती गोल यासे फ्रान्स २–१ गोलं न्ह्यने लागु खः । 
 
न्हापागु हाफय् निगु गोल यागःगु फ्रान्स निगु हाफय् मेगु निगु गोल यायेत ताःलागु खः । कासाया ६५ गु मिनेटय् फ्रान्सया लागि डेयोटं व ७७ गु मिनेटय् जिरुडं फ्रान्सयात ४–२ गोलं त्याकेत ताःलागु खः ।
Categorized in कासा