२०७८ मङ्सिर २२, बुधबार

फ्रान्स व बेल्जीयम विश्वकप फुटबलया नितिं छनौट

कछलाथ्व दशमी ११४२, कार्तिक २८ आईतवाः

फ्रान्स व बेल्जीयम आकिवं कतारय् जुइगु विश्वकप फुटबलया नितिं छनौट जूगु दु ।

वंगु चान्हय् जूगु पुचः डि या कासाय् काजखस्तानयात ८गू–०या तःधंगु गोल अन्तरं बुका साविक त्याकामि फ्रान्सं विश्वकपया टिकट चूलाकुगु खः । पुचःया छगू जक कासा ल्यंदनिबलय् फ्रान्सया ७गू कासां १५गू ल्याः जूगु दु ।

उतिग्यंक कासां ११गू ल्याः मुंकुगु फिनल्याण्ड निगूगु थासय् दु । वंगु चान्हय् जूगु मेगु कासाय् इस्टोनियायात ३गू–१गू या गोल अन्तरं बुका बेल्जीयम नं कतार विश्वकपया नितिं छनौट जूगु दु । थुगु पुचःलय् ७ गू कासां बेल्जीयमया १९गू ल्याः जूगु दुसा १४गू ल्याः मुंकुगु वेल्स निगूगु थासय् दु ।

विश्वकप छनौटया मेगु कासाय् वेल्सं बेलारुसयात ५गू–१गू गोल अन्तरं बुकुबलय् मोन्टेनेग्राें नेदरल्याण्ड्सयात २गू–२गू गोलया ज्वलिन्ज्वःलय् दिकुुगु दु ।

अथेहे इटाली व स्विट्जरल्याण्डं १गू–१गू गोलया ज्वलिन्ज्वःलय् म्हितुबलय् अष्ट्रियां इजराइलयात ४गू–२गूया गोल अन्तरं व पोल्याण्डं एन्डोरायात ४गू–१गू गोल अन्तरं बुकुगु दु ।

Categorized in कासा