फ्रेन्च ओपनया उपाधि क्रेचिकोभायात
बछलाथ्वः तृतिया, ११४१, जेठ ३० गते आइतबाः
थुगुसीया फ्रेन्च ओपन टेनिसया उपाधि चेक गणतन्त्रया बार्बरा क्रेचिकोभां त्याकूगु दु ।
फ्रान्सया पेरिसय वंगु चान्ह्यः जूगु फाइनल कासाय् रुसया अनास्तासिया पाभ्लुचेन्कोभायात २१ या सेटय् बुकका क्रेचिकोभां उपाधि त्याकूगु खः ।
वरियाता मदुम्ह क्रेचिकोभां अनास्तासियाविरुद्धया कासा ६१, ६२ व ६४ या सेटय् त्याकूगु खः । क्रेचिकोभाया थ्वः उपाधि ग्रान्डस्लाम सिंगल्सय् न्हापांगु उपाधि खः ।
थ्वसियांन्ह्यः वय्कलं फ्रेन्च ओपनया हे डबल्सपाखें उपाधि त्याके धुंकूगु दु । सिंगल्सपाखें म्हितूगु न्यागू कासाय् हे क्रेचिकोभां उपाधि त्याकूगु खः ।
फेन्च ओपन मिजपाखेया उपाधिया नितिं थौं सनिलय् सर्वियन कासामी नोभाक जोधोभिचलं ग्रीसया स्टिफानोस् सित्सीपासलिसे म्हितिइ ।
Categorized in कासा