अर्जेन्टाइनी फुटबल स्टार लियोनल मेस्सीं फ्रान्सया शीर्ष डिभिजनया लिगय् डेब्यु याःगु दु ।

वंगु चान्हय् जूगु रेम्सविरुद्धया कासां मेस्सीं पेरिस सेन्ट जर्मेन (पिएसजी)या नितिं डेब्यु याःगु खः । पिएसजी २–० या गोलं अन्तरं त्याकुगु थुगु कासाय् निगुलिं गोल धाःसा किलियन एम्बाप्पें याःगु खः  ।

१७ दँ तक्क स्पेनिस क्लब बार्सिलोनापाखें म्हितुम्ह मेस्सी थुगु हे सिजन पीएसजीइ अनुबन्ध जूगु खः । उखे मेस्सी मदूगु बार्सिलोनां वंगु चान्हय् गेटाफेयात २गू–१गूया गोल अन्तरं बुकल ।

थःगु हे मैदानय्  बार्सायात त्याकाबिइत सर्जी रोबार्टो व मेम्फीस डिपें छगू छगू गोल याःगु खः । गेटाफेया सान्द्रो रामिरेजं छगू गोल याःगु खः । 

ला लिगाया हे मेगु कासाय् साविक त्याकुमि एथ्लेटिको मड्रिडं भियारियाललिसे २गू–२गू गोलया ज्वलिन्ज्वः कासा म्हितल ।

Categorized in कासा