बंगलादेशयात एक दिवसीय सिरिज श्रीलंकां क्लिनस्वीप
लहनान्युज | दिल्लागा औसि ११३९ (अगष्ट १ २०१९)
बंगलादेश नाप या एक दिवसीय सिरिजय् श्रीलंकां क्लिनस्वीप याःगु दु ।स्वंगुगु व लिपागु एक दिवसीय् श्रीलंकां १२२ रनं त्याकां ३–० उगु सिरिज त्याकुगु खः ।
श्रीलंकां बंगलादेशयात २९५ रनया लक्ष्य बिउगु खः । टस त्याका न्हापा ब्याटिङ यासे श्रीलंकां निर्धारित ओभरय् ८ विकेटया क्षतिइ २९४ रन दयेकुगु खः । श्रीलंकाया लागि एन्जेलो म्याथ्यूजं ८७ रन, कुशल मेन्डिस ८४ रन, डिमुथ करुनारत्नें ४६ व कुशल परेरां ४२ रन दयेकुगु खः ।
अथेहे, बंगलादेशया सफिउल इस्लाम व सौम्य सरकारं स्वंगु स्वंगु विकेट काःगु खः ।
नाप २९५ रनया लक्ष्य ज्वना मैदानय् वःपि बंगलादेश ३६ ओभरय् हे १७२ रनय् अल आउट जुल । बंगलादेशया सौम्य सरकारं ६९ रन, तेजुल इस्लामें नट आउट ३९ रन दयेकुगु खः ।
उगु कासाय् बंगलादेशया न्ह्येम्ह कासामि दोहोरो अंकय् रन दयेके मफुगु खः । बंगलादेशया ब्याटिग यासे दासुन सनकां स्वंगु कसुन रजिथा व लिहरु कुमारां निगु निगु विकेट काःगु खः ।
