बंगलादेश व स्कटल्यााण्ड विश्वकप टि–ट्वेन्टी क्रिकेट धेंधेंबल्लाया सुपर १२ अर्थात मू स्पर्धाय् थ्यंगु दु ।

क्वालिफायर राउण्डया  लिपांगु चरणया कासा त्याका बंगलादेश व स्कटल्ल्याण्डले विश्वकपया पुचः चरणय् थाय् दयेकुगु खः ।

म्हिगः जूगु कासाय् बंगलदोशं पपुवा न्यूगिनीयात ८४ गू रनं बुकुबलय् स्कटल्याण्डं ओमानयात ८गू विकेटं बुकुगु दु । म्हिगःया कासालिपा क्वालिफायर राउण्डया पुचः ‘बि’ लय् स्कटल्याण्डं ३गू कासां ६गू ल्याः मुन धाःसा बंगलादेशं ४ गू ल्याः मुंकुगु दु ।

ओमान व पपुवा न्युगिनी पुचः झ्वलं हे पिहाँवंगु दु । क्वालिफायर राउण्डय् थांै पुचः ‘ए’ या ल्यं दूगु निगू कासा जुइ । थुगु पुचःलं मदिक्क निगू कासा त्याका श्रीलंका मू स्पर्धाय् छनौट जुइधुंकुगु दु ।

थौं जुइगु आयरल्याण्ड व नामिबिया दथुया त्याकामिं नं विश्वकपया  सुपर १२ य् थाये दयेकिइ ।

Categorized in कासा