बक्सिङय् नेपालया सनिलं त्याकल स्वर्ण
१३क्वःगु दक्षिण एशियाली खेलकुद (साग)य् बक्सिङ ६० केजी ग्यसु पुचलय् नेपाःया सनिल शाहिं स्वर्ण त्याकूगु दु । मंगलबाः क्वचाःगु फाइनलय् भारतीय कासामियात बुकाः सनिलं सनिलं नेपालयात स्वर्ण ब्यूगु खः ।
 
सातदोबाटोस्थित कराते कभर्डहलय् जूगु फाइनल कासाय् सनिलं भारतया वीरेन्दर सिंहयात बुकूगु खः ।
 
थौंकन्हय् आरआर क्याम्पसय् मानविकि संकाय स्नातक तगिमय् अंग्रेजी विषय कयाः स्वंगूगु दँय् ब्वनाच्वंम्ह सनिलं फोटो पत्रकारीता नं यायेगु याः ।
 
फुर्सदया इलय् सनिलं थीथी अनलाईन न्यूज पोर्टलया नितिं फोटो पत्रकारिता नं यायेगु याः ।
 
सनिलं त्याकूगु स्वर्ण नेपालया नितिं ५०औं खःसा बक्सिङपाखे स्वंगूगु स्वर्ण खः । 
 
थ्वयां न्ह्यः ५४ केजी मिसा बक्सिङय् भारतीय कासामि शिक्षायात बुकाः मीनु गुरुङं अले ६४ केजी मिजंपाखे भुपेन्द्र थापामगरं नं भारतीय कासामि हे मनिष कौशिकयात बुकाः स्वर्ण त्याकेधुंकूगु दु ।
Categorized in कासा