बरिष्ठ प्रहरी उपरीक्षक जोशी व समाजसेवी खड्गीयात हन
लहनान्युज | कौलाथ्व पुन्हि ११३९ (अक्टुवर १३ २०१९)
बरिष्ठ प्रहरी उपरीक्षक उमेशराज जोशी व समाजसेवी मनोज नेवाः खड्गीयात स्थानीयबासीपिन्सं हंगु दु ।
समुदाय प्रहरी साझेदारी ज्याझ्वः कार्यान्वयनय् सक्रिय व सिर्जनशील भूमिका म्हितादीगुलिं प्रहरी दिवसया झ्वलय् उत्कृष्ट जुयादीम्ह प्रहरी उपरीक्षक जोशीयात हंगु खःसा येँपाखें उगु ज्याझ्वःयात ग्वाहालि याःपिं मध्ये समाजसेवी मनोज नेवा खड्गीयात हंगु खः ।
सम्मानित जुयादीपिन्सं थजाःगु सम्मान व बधाइपाखें थःपिन्त अझ अडिग जुयाः समाजसेवाय् दत्तचित्त जुयाः न्ह्याःवनेत हःपाः जूवंगु धयादिल ।
सम्मान ज्याझ्वः नेपाल खड्गी सेवा समिति व नेवाः भोलिन्टियर्सं मंकाःकथं ग्वसाः ग्वःगु खः ।