बलिउडया चर्चित अभिनेता ऋषि कपुर मन्त
बलिउडया चर्चित अभिनेता ऋषि कपुर ६७ दँय् थौं बिहीवाः मन्त ।
 
क्यान्सर ल्वचं पीडित जुयाच्वम्ह ऋषि कपुर म्ह मफया म्हिगः बुधवाः अस्पताल भर्ना जुगु खः ।
 
परिवारं धाःगु कथं ऋषियात क्यान्सर व स्वासप्रश्वास सम्बन्धी समस्या दुगु धका धाःगु खः ।
 
अमेरिकाय् करिब दच्छि तक क्यान्सरया उपचार याना वःगु सेप्टेम्बर महिनाय् भारतय् लिहा वःगु खः ।
 
फेब्रुअरी महिनाय् हाकन स्वास्थ्यय् समस्या वःगुलि निकः तक अस्पताल भर्ना जुगु खः ।
 
Categorized in मनोरन्जन