बहुराष्ट्रिय कम्पनीतय्त १५गू प्रतिशत अप्वः कर कायेगु जी सेभेन राष्ट्रपिनिगु निर्णय
कछलागा एकादशी ११४१,जेष्ठ २३ आईतवाः
जी सेभेन दुजः देय्तयेसं बहुराष्ट्रिय कम्पनीतयेत करया दायराय् हयेत महत्वपूर्ण सम्झौता याःगु दु ।
उपिं देय्तयेसं अमेजन व गुगल लिसेंया बहुराष्ट्रिय कम्पनीतयेपाखें म्होतिइ १५गू प्रतिशत अतिरिक्त कर असुली यायेगु सहमति याःगु खः । लण्डनय् जूगु मन्त्रीस्तरिय मुँज्याय् तःधंगु कम्पनीतये करया दायरा थकायेत जी सेभेन दुजः देय्त सहमत जूगु धाःगु दु ।
अमेरिका, बेलायत, फ्रान्स, जर्मनी, क्यानडा, इटाली व जापान लिसेंया देय्तयेसं याःगु उगु निर्णयलं कोरोना महामारीइ जूगु ऋण भुक्तानीया नितिं अर्बौं डलर प्रवाह जुइगु धाःगु दु । वइगु लाय् जुइगु जी ट्वान्टी देयेतये मुँज्याय् मेगु दे्य्यात नं उगु कर प्रणालीइ दुथ्याकेगु बुखँय् न्ह्यथनातःगु दु ।