बाग्लुङ खुम्हेसित कोरोना भाइरसया संक्रमण
लहनान्युज | तछलाथ्व पंचमी ११४०,जेठ १४ बुधवाः
थौं बुधवाः बाग्लुङय् जक खुम्हेसित कोरोना भाइरसया संक्रमण पुष्टि जूगु दु ।
बाग्लुङ जिल्लाय् बढीगाड गाँउपालिका स्थायी छेँदुम्ह क्वारेन्टाइनय् च्वनाच्वंपिं १९ व २०दँया मिजंपिंन्त संक्रमण जूगु खः ।
अथेहे तमनखोला गाँउपालिकाय् क्वारेन्टाइनय् च्वनाच्वपिं २१, २७, २७ व २९दँया मिजंपिन्त संक्रमण जूगु खः ।
अन संक्रमित जुपि दक्क भारतं वःपिं खः । भारत लिहांवयेधुंकाः तप्यंक क्वारेन्टाइनय् च्वनाच्वंपिंत याःगु पीसीआर परीक्षणय् संक्रमण खनेदुगु खः ।
