२०८० चैत्र १६, शुक्रबार

बायर्न म्युनिखं च्याक्वःगु पटक जर्मन उपाधि त्याकल

लहनान्युज | तछलागा द्धादशी ११४०,असार ३ बुधवाः

बायर्न म्युनिखं लगातार च्याक्वःगु पटक जर्मन बुण्डेसलिगाया उपाधि त्याकूगु दु । लिग अन्तर्गत वःगु चान्ह्य जूगु कासाय् ा वेडर ब्रेमेनयात १ ० गोलं त्याकुगु खः । बायर्नं निगु कासाया न्ह्य हे थुुगु सिजन उपाधि त्याकेगु पक्का जुगु दु ।
 
युरोपया च्वय् याःगु न्याःगु लिगय् लगातार च्याक्वः तक लिग त्याकूगु बायर्न निगूगु टिम जूगु दु । थ्व स्वया न्ह्यः इटलीया युभेन्ट्सं सन् २०११ व १२ निसे २०१८ व १९ तक लगातार च्याक्वः तक सिरी ए त्याकूगु खः ।
 
लिगय् लगातार ११ गू कासा त्याकूगु बायर्नं निगु थासय् दुगु बोरुसिया डर्टमण्डया स्वया १० ल्याः अप्वो दु । बायर्नया ३२ कासाय् ७६ ल्याः दु सा छगु कासा म्हितिम्ह डर्टमण्डया ६६ ल्याः दु ।
 
बायर्नया डेविड अलावा व थोमस मुलरं गुक्वःगु बुण्डसलिगा त्याकुसे फ्रांक रिवेरीया कीर्तिमान बराबरी याःगु दु । बायर्नं लिग त्याकूगु थ्व नाप ३० क्वःगु खः ।
 
अथेहे बायर्नया प्रशिक्षक हान्सी फ्लिक कासामी व कोचया रुपं बुण्डेसलिगा त्याकूग स्वम्हम्ह मनू खः । थ्व स्वया न्ह्यः फ्रान्ज बेकनबाउर निको कोभाकं उपलब्धी याये धुकुग दु ।
 
कोरोना भाइरस महामारीं उग् कासाय् बायर्नं दर्शक बिना हे उपाधि त्याकूगु लसता प्वके मालीगु जूगु दु ।
 
Categorized in कासा