बार्सिलोनां भालाडोलिडयात १–० गोल त्याकल
लहनान्युज | दिल्लागा सप्तमी ११४०,असार २८ आइतवाः
स्पेनिस ला लिगा फुटबलय् उपाधि दाबेदार बार्सिलोनां वःगु चान्ह्यय् कासाय् रियल भालाडोलिडयात १ – ० गोलया अन्तरं त्याकूगु दु ।
बार्सिलोनाया लागि अर्टुरो भिडालं निर्णायक गोल याःगु खः । कासाया १५ गू मिनेटय् भिडालया गोल हे बार्सिलोनाया लागि निर्णायक जूगु खः । लियोनल मेस्सी बिःगु पासयात सदुपयोग यासे भिडाल गोल याःगु खः ।
भिडालया गोल अस्सिट जुगु वं मेस्सीं छगू हे सिजन २० गोल व गोलया लागि २० अस्सिट याम्ह न्हापागु कीर्तिमान तम्ह कासामि जुगु दु ।
थुगु कासा लिपा बार्सिलोनाले लिग लिडर रियल मड्रिडया ना छगू ल्याखं लिउने लागु दु । बार्सिलोना ३६ कासाय् ७९ ल्याः दु ।
छगू कासा कम म्हितुम्ह रियलया ८०ल्याः दु । ३९ ल्याः दुम्ह भालाडोलिड १४ गू थासय् दु ।
