बार्सिलोनाया अध्यक्ष जोसेपं थःगु पदपाखे राजीनामा
रमित | कौलाथ्व द्धादशी ११४०,कार्तिक १२ बुधवाः
बार्सिलोनाया अध्यक्ष जोसेप मारिया बारटोमेउसं मंगलवाः थःगु पदं राजीनामा बिःगु दु।
बार्सिलोनाया २० हजार समर्थकं हस्ताक्षर यासे राजीना फ्वनेवं थःगु पद राजिनामा बिःगु खः।
राजीना मबिउसा मेगु महिनाय् अविश्वासया प्रस्ताव सामना याये मालिगु खः। व नाप मेपि बार्सिलोना बोडया सदस्यपिन्स न राजीना बिःगु खः।
लियोनल मेसीं मेगु क्लब वनेगु माग व बायर्न म्युनिक नाप ८–२ बुइवं यक्को दबाबय् वःगु खः।
मैदानय् खराब प्रदर्शन याना वयाच्वंगु बार्सिलोनाया आर्थिक अवस्था न लिपागु इलय् कमजोर जुयावया च्वंगु खः। सन् २०१४ य् जोसप अध्यक्ष जूगु खः।
Categorized in कासा
