२०८० चैत्र १५, बिहिबार

बिश्वय् वःगु २४ घण्टाय् कोरोना सक्रमितपि साढे ६ लाख स्वया अप्वोल

कौलागा दशमी ११४०,कार्तिक २५ मंगलवाः

वःगु २४ घण्टाया दुने विश्व साढे ६ लाख स्वया अप्वो कोरोना संक्रमण पुष्टि जूगु दु। विश्व स्वास्थ्य संगठनया कथं वःगु २४ घण्टाय् ६ लाख ७७ हजार ८०६ म्हेसित कोरोना संक्रमण पुष्टि जूगु दु। थ्व तथ्यांक कथं आःतक हे दकलय् अप्वो खः। 
 
२४ घण्टाया दुने ६ लाख ७७ हजार ८०६ म्हेसित कोरोना संक्रमण पुष्टि जुगु खःसा ८ हजार ३११ म्ह संक्रमणं सीगु दु।
 
थ्व नाप आःतक विश्वय् कोरोना संक्रमितपि ५ करोड स्वया अप्वो जूगु दु। विश्व स्वास्थ्य संगठनया कथं आःतक ५ करोड २ लाख ६६ हजार ३३ म्ह थ्यःगु दु। 
 
कोरोनाया कारण आःतक विश्वयकं १२ लाख ५४ हजार ५६७ म्ह सी धुकुगु दु। 
 
अमेरिकाय् आःतक ९७ लाख ६३ हजार ७३० म्ह कोरोना संक्रमण जुइ धुकुगु दु २ लाख ३५ हजार ५६२ म्ह संक्रमितपि सी धुकुगु दु।
Categorized in अन्तर्राष्ट्रिय