बिहारय् एनडीए गठबन्धनयात बहुमत
लहानान्युज | कौलागा एकादशी ११४०,कार्तिक २६ बुधवाः
बिहार विधानसभा निर्वाचनय् एनडीएयात हाकन मेगु छगु कार्यकाल सरकार दयेकेगु जनादेश बिःगु दु। बिहार राज्यय् २४३ म्ह सदस्यीय विधानसभाय् सरकार दयेकेगु लागि कम्ती न १२२ सिट माःगु खः व एनडीए न १२५ सिट त्याकूगु खः।
एनडीएयात टक्कर बिया महागठबन्धनय् ११० सिट त्याकूगु खः।
महागठबन्धनया नेतृत्व याःगु राष्ट्रिय जनता दल (राजद) ७५ सिटय् त्याका बिहारय् दकलय् तधःगु पार्टी जुगु खः। एनडीए गठबन्धनय् आबद्ध भारतीय जनता पार्टी (भाजपा) न ७४ सिट
त्याकूगु खः। सन् २०१५ य् राजदल ८० व भाजपां ५३ सिट त्याकूगु खः।
थुगु चुनावय् मुख्यमन्त्री नितिश कुमारं पार्टी जनता दल युनाइटेड (जदयु)या प्रदर्शन यक्को उत्साहित जुइ मफुत। सन् २०१५ य् ७१ सिट त्याका जदयु न थुगु पटक धाःसा ४३ सिटय् जक चित्त बुझे याःगु दु।
अथेहे सन् २०१५ य् २७ सिट त्याक कांग्रेसं थुगु पटक १९ सिट त्याकूगु खः।
सांसद असदुद्दीन ओवेसीया पार्टी अल इन्डिया मजलिस–ए–इत्तेहादुल मुस्लिमिनं न्याःगु सिट त्याकुगु खः।
जदयुया विरोध यासे विधानसभा चुनाव याकचा हे ल्वाना चिराग पासवानया लोक जनशक्ति पार्टी (एलजेपी) न केबल छगु सिट त्याकुगु खः। अथेहे बहुजन समाज पार्टी न छगु सिट व छम्ह स्वतन्त्र सांसद त्याःगु खः।
Categorized in अन्तर्राष्ट्रिय
