बुगःद्य रथय् तयेगु स्थगित
लहनान्युज | दिल्लागा द्धितीया ११४०,असार २३ मंगलवाः
बुधवाः बुगःद्य रथारोहण यायेगु हाकन स्थगित जुग दु । स्वनिगलय् कोरोना भाइरसया संक्रमण अप्वःगु कारणं क्यसे गुठी संस्थान यलया निर्देशनय् रथारोहण स्थगित याःगु दु । थुकिया बारे मंगलवाः गुठी संस्थान यलं छगू सूचं जारी यासे जानकारी बिःगु दु ।
कोभिड १९ या महामारीया कारण जारी लकडाउनया कारणं वःगु चैत २८ गतेय् अनिश्चितकालया लागि स्थगित याःगु रथजात्राया लागि रथ दयेकेगु ज्या असार १० गते निसे सुरु याःगु खः ।
नेवाः तयेगु दकलय् तहाकःगु जात्राया लागि रथ दयेकेगु ज्या विधिपूर्वक बुगःद्ययात न्ह्वं याना रथ निर्माण यायेगु ज्या चैतय् रथ निर्माण यायेगु न्ह्यः हे स्थगित जूगु सूचं जारी याःगु खः ।
लिच्छवीकाल निसे निरन्तर न्ह्याना वया च्वंगु बुगःद्यया रथयात्रा नेपालय् दकलय् तहाकःगु जात्रा खः ।
वैशाख कृष्ण पक्षया पारुनिसे सुरु जुइगु जात्राय् वैशाख शुक्ल पक्षया पारु निसे रथयात्रा सुरु यायेगु चलन दुगु खः ।
