बुटवलय कोरोना अस्पतालय् छम्ह मन्त
लहनान्युज | ञंलाथ्व २ ११४०,भाद्र ५ शुक्रवाः
कोरोना विशेष अस्थायी अस्पतालय् कोरोना संक्रमितम्ह छम्ह सीगु दु ।
प्यूठान स्वर्गद्वारी नगरपालिका–७ सोत्रेया ६४ दँ दुम्ह मानबहादुर गौतम थौं शुक्रवाः सुथय् मदुगु खः ।
उम्ह मनू वःगु भदौ १ गते अस्पतालय् भर्ना जूम्ह खः । वयात भेन्टिलेटरय् तया वासः याना च्वंगु खःसा थौं सुथसिया ६ः३० बजे मदुगु धका अस्पतालया कोरोना फोकल पर्सनं पुष्टि याःगु खः ।
भारतपाखे रोजगारी याना वम्ह गौतम नगरपालिकाया क्वारेन्टिनय् च्वाना वया च्वम्ह खः । स्वाबया पीसीआर परीक्षणय् कोरोना पुष्टि जुइवं प्यूठानय् हे वासः याका वयाच्वम्ह खः ।
वयात ज्वरो, मूसु व सासः ल्ह्यायेगु समस्या वये वः बुटवलय् हःगु खः ।
Categorized in राष्ट्रिय
