२०८० चैत्र १६, शुक्रबार

बुद्ध मूर्ति उलेज्या जुल

लहनान्यूज | तछलाथ्व तृतीया ११३७ (मे २८ २०१७)

यलया थैनास्थित यशोधर बौद्ध माध्यामिक विद्यालयस बुद्धया मूर्ति उलेज्या याःगु दु ।
 
थौं विद्यालयस छगू ज्याझ्वः यासें बुद्ध मूर्तिया उलेज्या याःगु खः । ज्याझ्वलय् भिक्षु महासंघया नायः मिक्षु मैत्री महास्थवीर व नेपालया नितिं श्रीलंकाया राजदूत स्वर्णलता परेरां मूर्तिया उलेज्या यानादिल ।
 
ज्याझ्वलय् भिक्षु महासंघया नायः भिक्षु मैत्री महास्थवीर, श्रीलंकाया राजदूत स्वर्णलता परेरा, बौद्ध विश्वविद्यालयया डिन भद्ररत्न बज्राचार्यं वौद्ध धर्म व बुद्धं इनाबिज्याःगु ज्ञानया विषयस न्वःवानादीगु खः ।
 
उगु हे ज्याझ्वलय् बुद्ध मूर्ति दयेकेत ग्वाहालिमिपिन्त हनापौलिसें खादां न्ययेकाः हंगु खः ।
 
यशोधर माध्यामिक विद्यालयया प्रधानाध्यापिका रमिला शाक्यं लसकुस यानादीगु ज्याझ्वलय् विद्यालय व्यवस्थापन समितिया सल्लाहकार पुर्णमान शाक्यं सुभाय् देछानादीगु दु ।
Categorized in राष्ट्रिय