बेलयतय् कोरोना महामारीया नितिं धका तःगु प्रतिबन्ध छ्वासुकिगु जूगु दु ।

बेलायती प्रधानमन्त्री बोरिस जोन्सनं डाउनिङ स्ट्रीट ब्रिफिङया झ्वलय् प्रतिबन्धत छ्वासुका हे कोरोना नियन्त्रण याये फइगु अवस्था दूगुलिं प्रतिबन्धत छ्वासुकेगु  घोषणा यानादीगु खः ।

आम मनूयात छेँ नं हे ज्या यायेगु व्यवस्था व मास्क अनिवार्य जूगु वयेकलं धयादील । देशय् ओमिक्रोन संक्रमण दर उच्च दूगु नालाकासें वयेकलं प्रतिबन्ध छ्वासुकिबलय् छुं हदतक्क असहज महशुष जूसा नं आःयात प्रतिबन्ध छ्वासुकेगु निर्णय जूगु धयादील ।

बेलायतय् वइगु १० जनवरी निसें न्हियान्हिथं १गू लखया दरं कोरोना परिक्षण यायेगु घोषणा नं प्रधानमन्त्री जोन्सनं यानादीगु दु ।

गुकिइ खाद्य् प्रशोधन, यातायात व उद्योग धन्दाय् ज्या यानाच्वंपिं कर्मचारीतयेत प्राथमिकताय् तःगु दु ।

Categorized in अन्तर्राष्ट्रिय