बेलायतं फाइजर व बायोएनटेकया खोप छ्यलिइगु अनुमति बिल
लहानान्युज | कछलागा द्धितिया ११४१, मंसिर १७ बुधवाः
बेलायतं फाइजर व बायोएनटेकं दय्कूगु कोरोनाविरुद्धया खोप याःगु आपत्कालीन प्रयोग अनुमति बिःगु दु।
बेलायती नियमनकारी निकाय मेडिसिन एन्ड हेल्थकेयर प्रोडक्ट्स रेगुलेटरी एजेन्सी(एमएचआरए) नं फाइजरया खोप सुरक्षित जुगु धका धाःसे प्रयोग यायेगु अनुमति बिःगु दु।
कोरोनाविरुद्धको खोपया प्रयोग अनुमति प्रदान यायेगु बेलायत विश्वया न्हापागु देश जुगु दु।
फाइजर व बायोएनटेकं विकास याःगु खोप मनू तय्त कोरोना भाइरसपाखे बचे यायेत ९५ प्रतिशत प्रभावकारी जूगु समाचार नकतिनि हे पिहावःगु खः। तर, थुकियात भण्डारण यायेत एकदम न्यून तापक्रम (–७० डिग्री सेन्टिग्रेड) माःगुलि भण्डारण व ओसारपसारय् चुनौती दुगु धका स्वास्थ्यविद्पिन्स धाःगु दु।
बेलायतं करिब फाइजरनाप ४ करोड डोज कोरोना खोप अर्डर याये धुकुगु दु । थ्व न्हापागु लटय् बेलायतयात छगु करोड डोज याकन हे उपलब्ध याकेयेगु धका फाइजरं धाःगु दु। थ्व खोपया विकास १० महिनाया अन्तरालय् जुगु खः।
बेलायत सरकारं अक्सफोर्ड व एस्ट्राजेनेकाया १० करोड व मोडेर्नाया ५० लाख डोज थ्व स्वया न्ह्यः हे ‘अर्डर’ याये धुकुगु खः।
Categorized in अन्तर्राष्ट्रिय
