बेलायतय् कोरोनाया न्हूगु भेरिएन्ट समुदाय स्तरय् न्यनेधुंकुगु खुलासा जूगु दु ।

बेलायती संसदय् सम्बोधन यासें अनया स्वास्थ्यमन्त्री साजिद जाविदं ३ सः व ३६म्ह ओमिक्रोन संक्रमित पुष्टी जुइधुंकुगु जानकारी बिउसें इलय् हे नियन्त्रण याये मफूसा थुकिं ग्यानापूगु अवस्था ब्वलंकिगु धयादील ।

बेलायतय् ओमिक्रोन संक्रमितपिं अन्तर्राष्ट्रिय यात्रालिसे सम्बन्धित मजूगु पुष्टी यासें वयेकलं इङल्याण्डय् २सः व ६१म्ह, स्कटल्याण्डय् ७१म्ह व वेल्सय् ४ म्ह संक्रमित लूगु जानकारी बियादील ।

ओमिक्रोन नियन्त्रणया नितिं बेलायतं रेड लिष्टय् तःगु देय्या प्रतिबन्धयात निरन्तरता बिइगु स्वास्थ्यमन्त्री जाविदं उल्लेख यानादील ।

Categorized in अन्तर्राष्ट्रिय