बेलायतय् हाकन लकडाउन सुरु
बेलायतय् कोरोना संक्रमण छन्हु हे अप्वःगु दु । वःगु २४ घण्टाय् जक हे १०६२म्ह न्हुपि संक्रमित पिहा वःगु दु धका अन याःगु संचाः ख्यलय् पिहा वःगु दु ।
 
 
जुन महिना लिपा छन्हु हे अप्वः कोरोना संक्रमित पिहा वःगु न्हापागु पटक खः । वःगु न्ह्यः ७५८ म्ह न्हुपि संक्रमित पिहा वःगु खः ।
 
लिपाःगु तथ्यांकं बेलायतय् कोरोना संक्रमण निक्वःगु लहर सुरु जूगु दु । संक्रमण फैलै जुइगु रोके यायेत बेलायत सरकारं हाकन छु थासय् लकडाउन याःगु दु ।
 
जोन्स हप्किन्स विश्वविद्यालयया तथ्यांक कथं बेलायतय् आःतक स्वगु लाख १२ हजार ५५५म्हेसित कोरोना संक्रमण पुष्टि जूगु दु ।
 
अथेहे अन ४६ हजार ६५९म्ह मनूत सी धुकुगु दु ।