बेलायतय् १३म्ह नेपाःमित सित
लहना न्यूज | ने.सं. ११४० चौलागा नवमि (१७ अप्रिल २०२०), शुक्रवाः
कोरोना भाइरसया हुनिं म्हिगः विहिवाःतक १३म्ह नेपाःमि सीधुंकूगु लण्डनय् च्वंगु नेपाःया दूतावासं न्ह्यथंगु दु । अथे सीपिं अप्वः धइथें भूतपूर्व ब्रिटिस गोर्खा सैनिकत खः । दूतावासं फुक्कसित सतर्क जुयाच्वनेत व मज्जिमगाःगु ज्या बाहेक मेगु इलय् छेँय् हे च्वनाः संक्रमण नियन्त्रण यायेगु ज्याय् ग्वाहालि यायेत इनाप याःगु दु ।
लण्डन बरो अफ बार्नेट काउन्सिलया उपमेयर लक्ष्य गुरुङं न्हियान्हिथं भूतपूर्व गोर्खा सैनिकपिं सिनाच्वंगु धयादीगु दु । गोर्खा ज्याथःजिथिपिंके थ्व समस्या अझ जटिल जुजुं वनाच्वंगु दु, पूर्व गोर्खा सैनिक गुरुङं धयादिल, ‘जिमिगु काउन्सिलय् ¥यापिड रेस्पोन्स टिमं अप्रेसन कोथा दयेकाः ज्या यानाच्वंगु दु । स्वयम् सेवकतसें बार्नेट कम्यूनिटी हबय् ज्याथःजिथिपिन्त ग्वाहालि यानाच्वंगुलिं सुं नं नेपाःमित समस्याय् लानाच्वंगु दुसा स्वापू तयेत इनाप दु ।’
बार्नेट काउन्सिलं ७०दँ पूवनेधुंकूपिं थ्यंमथ्यं ४३सःम्ह दीर्घरोगी ज्याथःजिथिपिन्त छेँय् हे नसाज्वलं, वासः थ्यंकेगु ज्या यानाच्वंगु नं वय्कलं न्ह्यथनादीगु दु । उगु लागाय् बन्टोक नेपाली समाजं तकं स्वयंसेवक पुचः दयेकाः संक्रमित जूपिन्त सुसाकुसा यानाच्वंगु दु ।
नेपाली दूतावास, एनआएनए यूके, मर्जिङ नेपसक्सलिसें जातीय व सामाजिक संघसंस्थां नं प्रकोपया हुनिं समस्याय् लानाच्वंपिं नेपाःमिपिन्त ग्वाहालि यानाच्वंगु दु ।
Categorized in राष्ट्रिय
